Posts

Showing posts from August, 2023

235. NGAI E VAA

 NGAI E VAA (God is here) 1. Ngai evaa na nũnũkwenda Kũtũathima ithyĩ,  Kyathĩ kĩĩ nĩtũkũvoya,  Ũtũtethye ithyonthe.  Tũathime, nĩtũvoya Ĩĩ asa tũathime,  Nĩtweteele, nĩtũkwenda ũtũvuũkye ithyonthe.  2. Ngai e vaa nĩtũũthengeea,  Andũ athe tũvoye; Twakomana tũmwĩsũve Tũtethew’e oyu tũĩ.  3. Ngai e vaa nĩtũĩtĩkĩla; Nĩtũũete ngoo sitũ,  Kana yu i ngoo ithewe N’ĩla ndeto tweew’a yu.  4. Asa mwene vinya wonthe,  Nĩtũũtulya ndu sitũ Tũnenevye syĩtwa yaku,  Tũkĩathimwa nue.  (Amen)

236. YESŨ MŨTANGĨĨI WA ANDŨ

 YESŨ MŨTANGĨĨI WA ANDŨ (Pass me not) 1. Yesũ Mũtangĩĩi wa andũ,  Ningũkũvoya,  Ũkimeka angĩ nesa,  Ndũkandwĩkĩsye.  Yesũ ndethya,  Ngoo ĩvingũwe,  Ũkĩmaathima andũ angĩ,  Ndũkandw'ĩkĩsye.   2. Mwĩaĩi Yesũ ũkĩmantha,  Ala me na nzaa,  Ũka vaa vakuvĩ nakwa,  Nyie nĩ mũndũ ngya.  3. Mwĩaĩi Yesũ wĩ mũnene,  Vai ũngĩ taku; Thayũ na maũndũ onthe,  Nĩwanengie.  4. Mathĩna ala nĩ namo,  O na matatwa; Mwĩaĩi ũnzũvĩe kwamo,  Nue Mũtangĩĩi.  (Amen)

237. AME ASA

 AME ASA (Loving father hear me) 1. Ame Asa mbĩthukĩĩsya Mboya syakwa, na ũkayo; Ndi na vinya, nĩ mũvũthũ,  Nĩna vata naku mũno.  2. Ame Asa, nenga kwĩw’a Wasya waku ngoonĩ yakwa; Ngindĩlĩla kwenda kwaku,  Noindethya kwĩkwe nesa.  3. Ame Asa, nenga kwona,  Ũndũ matho maeleete; Mbũĩvya ndetonĩ syaku,  Nĩmatethye ala angĩ.  4. Ame Asa, tethya wĩa Ngoonĩ yakwa myũnthĩ yonthe,  Kana Yesũ anenevw’e Maũndũnĩ makwa onthe.  5. Ame Asa ndilikanya Wĩ vakuvĩ myũnthĩ yonthe Ndikakuswe nĩ ũthũku,  Ĩndĩ nĩthĩwe na mũuo.  6. Ame Asa, ndongoesya,  Ngwata kw'oko, ndwaa kavola,  Na ũeni ũũ wathela,  Mbĩkya kwaku ame Asa.  (Amen)

238. SALUKYA METHO MAKWA

 SALUKYA METHO MAKWA (open my eyes that i may see) 1. Salukya metho makwa yu None ũvoo ũla waku,  Na mbũĩvya ndetonĩ syaku Nĩmanye vyũ kwenda kwaku Yu nĩvindĩtye mbee waku,  Neena nakwa ngoonĩ yakwa ,  Salukya metho makwa yu,  Veva mũtheu 2. Nenga kwĩw’a wasya waku,  Vindĩthya mawasya angĩ Ndeto syaku , ĩĩ nĩsyo sya w’o,  Na nĩsyo nendete mũno.  3. Ndonyethya mwĩaĩi wakwa,  Kwona ũtheu waku yu,  Nĩmanye vyũ vati na ũngĩ,  Wa kũndongoesya taku.  (Amen)

239. NGAI E ĨTUNĨ NŨKEW’A

 NGAI E ĨTUNĨ NŨKEW’A (God is in heaven) 1. Ngai e ĩtunĩ nũkew’a Mboya nini syakwa.  Ĩĩ nũkew’a ndikakĩe,  Nũkũmbĩthukĩĩsya.  2. Ngai e ĩtunĩ nũkwona,  ĩla ngwĩka naĩ,  Ĩĩ nũkwona, na kũnzisya,  O matukũ onthe.  3. Ngai e ĩtunĩ nũkwona,  Ngĩneena ũvũngũ? ĩĩ ona ngĩneena mbola,  Nũkew’a e ĩtunĩ.  4. Ngai e ĩtunĩ, nũmbĩsĩ,  Na nũmbĩkaa nesa? ĩĩ ila nĩnasyo syonthe,  Nĩ Ngai ũnũnenga.  5. Ngai e ĩtunĩ nĩvoye,  Nĩvike vo nakwa? ĩĩ mwende na mũthenya ũmwe,  Nũkakwĩta kwake.  (Amen)

240. NĨNGŨKŨVOYA MWOVOSYA

 NĨNGŨKŨVOYA MWOVOSYA (Hear and answer prayer) 1. Nĩngũkũvoya Mwovosya,  Nĩthĩwe ndilyĩ taku,  Nĩngũvoya veva waku Ekalae ngoonĩ yakwa.  We nĩwĩsĩ wonzu wakwa,  Na wĩ ũsũvĩo wakwa,  Ngĩka kwenda kwaku kwonthe,  Nzũngĩaa mboya syakwa.  2. Nĩngũkũvoya Mwovosya,  Na mũĩkĩĩo waw’o Nĩwone ũsumbĩ waku,  Ona kweethwa ũtukũ.   3. Nĩngũvoya nusũw’e nĩ,  Vinya wa mumo waku,  Mbwĩka na mũuo waku ũtonyinĩ waku Ngai.  4. Nĩngũkũvoya Mwovosya,  Mboya syakwa syĩthwe ũu,  Ngũthũkũme naw’o wonthe,  Ngethwa ndilyĩ taku Ngai.  (Amen)

241. AME YESŨ MBĨTHUKĨĨSYA

 AME YESŨ MBĨTHUKĨĨSYA (Take me as i am) 1. Ame Yesũ mbĩthukĩĩsya,  Nĩngũkwĩkaĩla ũmũnthĩ; ũtangĩĩo ũnthengeesye,  O ũu nĩilyĩ mbosa O ũu nĩilyĩ mbosa  Mwovosya wakwa angw'ĩĩe nyie O ũu nĩilyĩ mbosa.  2. Nĩna naĩ ndina ũseo,  Nthakame yaku nĩnthambye,  Ona nĩ mũthũku mũno,  O ũu nĩilyĩ mbosa.  3. Maũndũ ma ũtangĩĩo Kũmamanya nĩngwenda nyie,  Nakwa nĩ vakuvĩ naku,  O ũu nĩilyĩ mbosa.  4. O yĩla wĩenda kũndũma,  ũndũme wĩanĩ waku,  Nũndũ nyie nĩ kana kaku,  O ũu nĩilyĩ mbosa.  5. ũkyenda kũndũma nyĩe yu,  Mbusũsya wendo waku vyũ,  Wĩthwe nthĩnĩ wa ngoo yakwa,  O ũu nĩilyĩ mbosa.  6. Kaũ ũũ wamina kũthela,  ĩtina tũkooka kwaku,  O ũu nĩilyĩ nĩngwĩkaĩla O ũu nĩilyĩ mbosa.  (Amen)

242. YESŨ MWENDWA WA NGOO YAKWA

 YESŨ MWENDWA WA NGOO YAKWA (Jesus beloved of my heart) 1. Yesũ mwendwa wa ngoo yakwa,  Nĩtũũkũvoya na ĩnee,  Kana ũtwĩte ku kwaku,  Twĩthwe na thayũ ũtathela.  ũtwĩte yu Mwĩaĩi waitũ,  Mũsyĩ waku mũtheu vyũ,  Tume kũũ nthĩ mathĩnanĩ,  Twĩkale kũu kwaku Mwĩaĩi.  2. ũndongoesye mathĩnanĩ,  Nũndũ nue wĩkwatyo wakwa,  Na nasisya ĩũlũ ĩtunĩ,  Nĩngwenda ngwone Mwĩaĩi.  3. Kwaku Mwĩaĩi kwĩ ũtanu Na nĩ kwanakavye mũno,  Thaavu na alaĩka mĩomonĩ,  Nĩngwenda nĩkwone Mwĩaĩi,  4. Nue kyeni kya ngoo yakwa,  Thayũ wakwa nĩ waku vyũ,  ũnzũvĩe mathĩnanĩ,  Nĩkyalonĩ kyakwa vaa nthĩ.  (Amen)

243. NĨTWINEI ŨSENG’YO WA MATEI MA NGAI

 NĨTWINEI ŨSENG’YO WA MATEI MA NGAI (Let us praise and adore) 1. Nĩtwinei ũseng’yo wa matei ma Ngai Ũndũ wa ũsũvĩo wake,  Tũmũkathei na kũmũtũngĩa mũvea,  Yĩla twakomana kũvoya.  Tũmũkathei mũno kwa ũseo wake,  Tũtavan’yei wendo wake,  Tũmũkathei na kũmũtũngĩa mũvea,  Yĩla twakomana kũvoya.  2. Twinei ũseng’yo wa mũthĩnzĩo wake,  ũla wawonanisye kwitũ,  Nĩwatũthembeie mwana wake Yesũ,  Twĩthwe ma ũsumbĩnĩ wake.  3. Tũvoyei mumo wake wĩkalae kwitũ,  Nzĩanĩ syonthe twone kyeni Na mũmĩnũkĩlyonĩ mathayũ maitũ Makethwa ũsumbĩnĩ wake.  (Amen)

244. NDETO YAKU MWĨAĨI

 NDETO YAKU MWĨAĨI (Though whose almighty word) 1. Ndeto yaku Mwĩaĩi, nthĩnĩ wa kĩvindu,  Nĩyĩw’ĩke, twĩkũvoya nũndũ; Wa ũvoo mũseo kũl’ũtavikĩte,  Ete kyeni.  2. We nĩwaetie wovosyo mũnene,  Kwa andũ onthe ala maĩ thĩnanĩ; Nĩwamovoisye mbaĩnĩ syonthe kũũ nthi,  Ete kyeni.  3. Nake veva mũtheu nĩwokie kũũ nthĩ,  Ethwe ngũsĩ ĩũlũ wa nthĩ yonthe; Na kwa andũ onthe, nthĩ yĩ kĩvindunĩ,  Ete kyeni.  4. Ngai mwĩ atatũ mwĩ ũmwe ũtheunĩ,  Vinya waku ĩũlũ wa nthĩ yonthe Nũthyũlũlũkĩte nthĩnĩ wa nthĩ yonthe,  Ete kyeni.  (Amen)

245. WENDO WA NGAI

 WENDO WA NGAI (Love of God) 1. Wendo wa Ngai nĩ mũnene na wĩ vinya,  Nĩwanumisye kĩvindunĩ kĩ vinya.  Yĩla ndaĩ ndonya kũmwĩkaĩla Ngai wakwa,  Nĩwambĩw'ĩie tei na andekea.  ũmũnthĩ andũ aingĩ matinamba kũmũmanya.  Ngai wa ĩtu na nthĩ,  Etĩkĩli voyai mũtekũkoma; Na Ngai akamũsũngĩa mboya syenyu.  2. ũmũnthĩ andũ ala me kĩvindunĩ,  Nĩngũmũtavya mena wasyo mũnene; Kĩtumi nũndũ matikwĩtĩkĩla Yesũ,  Na Yesũ ooka makekw’a mwakinĩ.  3. ũseo tola nyie mwene nonete,  Kuma yĩla walikile ngoonĩ yakwa; Nĩ mwingĩ mũno nditonya kũwetekya; Kũmanya Yesũ nĩmũtavya kwĩ mũyo.  (Amen)

246. KŨVOYA NĩKŨMWON’YA NGAI

 KŨVOYA NĩKŨMWON’YA NGAI (Prayer is the souls sinners desire) 1. Kũvoya nĩ kũmwon'ya Ngai Mavata ma ngoonĩ; Nĩ mwaki na kyeni kwitũ,  Wakanĩte mũno.  Ĩĩ Ngai ndethya Mboye vata wakwa.  2. Twavoya nĩtũkwĩanĩw’a,  Ngoonĩ sitũ nĩ Ngai,  Nĩtũkĩlyei metho ma ngoo; Tũvoye Ngai oyu.  3. Kũvoya nĩkũtwaĩle,  Ithyĩ ma kyenini,  Tweteelei na mũĩkĩĩo,  Yesũ nĩwũkĩte.  4. Vava nthĩ twĩ ũeninĩ,  Kwitũ nĩ ĩtunĩ; Mũsyĩ wa thayũ wĩ ĩũlũ,  Yesũ nũtwakĩe.  5. Nowe Yesũ nzĩa yakwa,  Yaw’o na ya thayũ,  Ndĩmanya nyie kwĩsesea,  ũnzũvĩe Yesũ.  (Amen)

247. ŨKALŨMA MŨĨKĨĨONĨ WAKU

 ŨKALŨMA MŨĨKĨĨONĨ WAKU (Will your anchor hold) 1. Ũkalũma mũĩkĩĩonĩ waku,  Kĩtundumonĩ kyonthe kya kũũ nthĩ? Yĩla itulumo syĩkũkĩla,  Ũkalũma kana nũkũthingithw’a? Yesũ nĩ nanga ya mathayũ Ĩvinda yonthe twĩ kũkũ nthĩ,  Tũlũmei kwake tũkĩmanya,  Nĩ ĩvia yĩtathingithĩka.  2. ũkakĩlya kĩtundumo kyonthe,  Ethwa wĩ mũlũmu kwa Mũtangĩĩi,  Nake nũkũneena na ngoo sitũ,  Akĩtũne vinya wa kwĩsũvĩaa.  3. Tũtĩkateteme twĩ kũkũ nthĩ,  Yĩla kwĩna mĩisyo mĩnene,  Ona kĩuutani kĩkyũkĩla,  Tũtikakĩe twĩna mũtũsesei.  4. Ona kĩkw'ũ kĩkĩtũthengeea,  Tũkĩmina thayũ wa kũkũ nthĩ,  Kĩtulumonĩ tũtikaemwa,  Yĩla tũlũmĩte kwa Mũtũtangĩĩi.  5. Nayu twamina wĩa witũ kũũ,  Tũkatwawa ĩũlũ kwa Ngai waitũ Tũkanengwa ngovia sya thayũ,  Nokwo tũkaina tene na tene.  (Amen)

248. YESŨ NŨMBITHĨTE

 YESŨ NŨMBITHĨTE (He will safely hide me) 1. Yesũ nũmbithĩte kĩmbithonĩ kyake,  Nũkũnthũmũsya kuma mathĩnanĩ,  Nũnengete ũthũmũo ngoonĩ yakwa,  Nake nũmbĩkĩte nesa vyũ.  Nũmbithĩte kĩmbithonĩ,  Yĩla kwĩ mathĩna kana kwĩ matatwa; Nũmbithĩte kĩmbithonĩ,  Yesũ Nũmbithĩte kĩmbithonĩ kyake.  2. Yesũ Nũmbithĩte kĩmbithonĩ kyake,  Na kũmbw’ĩka na ũtheu kuma kwake; Kyeni kyake kyusũĩte ngoonĩ yakwa,  Na nĩngwĩw’a nesa nĩ wake.  3. Yesũ Nũmbithĩte kĩmbithonĩ kyake,  Vala nĩna moathimo manene; Nyie nĩ nthĩnĩ wake nake nthĩĩnĩ wakwa,  Kĩla ũndũ nyie nĩngũsinda.  4. Yesũ Nũmbithĩte kĩmbithonĩ kyake Nakwa ngatavanasya nguma yake; Kũvika mũthenya wa kũthama kũũ nthĩ,  Kũthi kwake kũya ĩtunĩ.  (Amen)

249. ĨĨ TŨMWINĨE YESŨ

 ĨĨ TŨMWINĨE YESŨ (I am redeemed) 1.  ĩĩ, tũmwinĩe Yesũ mwana wa Ngai; ũu wambiwe,  Nũndũ etie nthakame,  Nũndũ wa naĩ sitũ.  Nyie nĩndangĩĩwe, nyie nĩndangĩĩwe,  Nũndũ wa nthakame ya Yesũ,  Nyie nĩndangĩĩwe, nyie nĩndangĩĩwe,  Alelũya kwa Mwĩaĩi Yesũ.  2. Nthakame yake nĩtonya,  Kũnthesya naĩ syakwa,  Na nĩtonya kũthesya naĩ Sya andũ ma mbaĩ syonthe.  3. Tũmũtaĩei Klĩsto Mwĩaĩi Myũnthĩ yonthe kũũ nthĩ; Nĩ Mwovosya wa andũ onthe,  Ma mbaĩ syonthe kũũ nthĩ.  (Amen)

250. MWĨTĨKĨLI WĨNA WĨKWATYO

 MWĨTĨKĨLI WĨNA WĨKWATYO (The hope of a christian) 1. Mwĩtĩkĩli wĩna wĩkwatyo Ndũkasonoke nongi; Yĩla Yesũ wĩũka kũtwosa,  Akatũtwaa ĩtunĩ.  Ĩtunĩ, ĩtunĩ,  Ethwa nũkwenda kũthi ĩtunĩ,  Ekana na maũndũ ma nthĩ.  2. We mũnyanyawa wakwa mũseo,  Eka kũthingithangwa Nũndũ Mwĩaĩi wa ĩtunĩ Nĩwe wĩkwatyo waku.  Ĩtunĩ, ĩtunĩ,  Ethwa nũkwenda kũthi ĩtunĩ,  Kua ngelan’yo ya Yesũ 3. Ala onthe makw’ie tene,  Makeethĩwa na thayũ; Yĩla wasya wa soo mũnene Wĩvuvwa nĩ mũlaĩka.  Ĩtunĩ, ĩtunĩ Ethwa nũkwenda kũthi ĩtunĩ,  Lilikana Yesũ Klĩsto.  (Amen)

251. NĨ KAVAA NĨMŨĨKĨĨE

 NĨ KAVAA NĨMŨĨKĨĨE (Tis so sweet to trust in Jesus) 1. Nĩ kavaa nĩmũĩkĩĩe Yesũ, mwana wa Ngai.  Nũmbĩkĩte nesa mũno Akĩnumya naĩnĩ.  Yesũ, Yesũ nĩngwendete,  Nĩwambendie n’ĩnee,  Na ĩndĩno, nĩnendete.  Kũkwendeesya mũno mbee.   2. Nĩ kavaa nĩ syĩthukĩĩsye Ndeto syake syonthe yu,  Kana ngoo yakwa yusũwe Nĩ maũndũ ma Yesũ.  3. Nĩ kavaa nĩlilikane E vakuvĩ nakwa vaa Na mokũũ na naĩ sya tene Itĩtonya kũngĩlya.  (Amen)

252. YESŨ MWENDWA WA NGOO YAKWA

 YESŨ MWENDWA WA NGOO YAKWA (Jesus lover of my soul) 1. Yesũ mwendwa wa ngoo yakwa,  Nĩĩvitha nthĩnĩ waku,  Yĩla iuutani sya thayũ Syĩvĩtĩla ĩũlũ wakwa; Ũmbithe nyie, Mũtangĩĩi wakwa,  Thĩna w’onthe ũthele,  Noyosa ngoo ĩno yakwa,  Yĩthĩwe vamwe naku.  2. Mũtangĩĩi, ndi na ũngĩ,  Nĩngũkũĩkĩĩa weka; Manya ũndia, ndina mũtethya,  Nũngamya noingiakisya.  Ũĩkĩĩi wakwa wĩ nthĩnĩ waku,  Ũtethyo wumaa kwaku; Nakwa ndi wa kũnzũvĩaa,  Nzeseaa na nthwau syaku.  3. Nue Yesũ mwendwa wakwa,  Wĩ weka nũmbũnĩthya ngoo yakwa; Mokĩlye avalũku,  Mavosye ala mena mowau.  Syĩtwa yaku nĩyo ĩtheu,  Ninyie ndaĩle mũno Nusuĩtwe nĩ mothũku,  Mwene tei na w’o nue (Amen)

253. VANDŨ VALŨMU

 VANDŨ VALŨMU (Safer is my refuge) 1. Vandũ valũmu vandũ vauu,  Vala vatokaa ũthokoanu; Vandũ vaseo ve mawĩvitho mauu,  No kwa Yesũ Mwovosya waitũ.  ĩĩ, kwĩvitha na kũsũvĩawa Syĩ kwa ũ Yesũ, Mwovosya wakwa,  Tũkĩmũĩkĩĩa, nĩtũkwatawa,  Aitũkĩlya , na kũtũkĩka 2. Woo ũkatũkwata, twĩ kũkũ nthĩ Thĩna na ũkya nĩ ma ithyonthe; ĩndĩ nĩ maitũ nĩ kana twonae,  Wendo na vinya syĩ na witũ Ngai.  3. Ngoo ikĩũũya tũsyonye ũũ,  Ũndũ kwĩvithawa kwa Yesũ.  Ũtethyo witũ nĩwumaa ĩũlũ,  Vala ve Yesũ, Mũtw’ĩĩki waitũ.  (Amen)

254. ĨVIANĨ ĨLŨMU

 ĨVIANĨ ĨLŨMU (What a wonderful savior) 1. Ngai anumisye ndakanĩ,  Ya ũthũku wa andũ,  Kwa vinya anũngamisye,  Ĩvianĩ ĩlũmu.  Ĩvianĩ ĩlũmu,  Ngai nũ nũngamĩtye,  Ĩvia ĩlũmu,  Nĩ Yesũ wakwa 2. Ũkyaka kĩthangathĩnĩ ,  Nyũmba nĩ kũvalũka,  Kavaa wake ĩvianĩ ,  Yĩtathingithangĩka.  3. Mĩĩkĩo yonthe ya andũ,  Ĩkaelw’a nĩ mwaki,  Mathangũ ma nthĩ mathele,  ĩndĩ ĩvia yĩtivya.  4. Kĩutani kya kĩthikii,  Na iseve syĩũtatwa,  Niũvĩta ĩvia yĩĩ,  Ota manzĩ nthũngũnĩ.  (Amen)

255. MWANA WA MWENE SYONTHE

 MWANA WA MWENE SYONTHE (Simply trusting every day) 1.  Mwana wa mwene syonthe,  Kĩthikii wĩ nakyo kya kĩ? Mũmbi tĩwe Mũsũvĩi? Wĩmantha kĩ kwĩsũvĩa.  Mwene tei nũseseaa Tũsũni, o na malaa.  N’ithyĩ anini kwĩ isu? Nĩsyo ngelekan’yo sitũ .  2. Syũmbe syonthe syĩ kũũ nthĩ,  Mũmbi nowe wisũvĩaa; O naitũ nota ũu,  We ndatonya kũlwa nithyĩ.  3. We nũtonya kwĩalyũla,  Mwĩĩ waku ũndũ wũmbĩtwe; ũu nawo ndũtonyeka,  Nĩ mũmbi nowe ũtonya.  4. Amb’ũmantha ĩndĩ mbee ũsumbĩ n’ũseo wake,  Syĩndũ ingĩ wendete ũkongeleelwa na ĩnee.  (Amen)

256. NDI NA ŨNGĩ NYIE TA YESŨ

 NDI NA ŨNGĩ NYIE TA YESŨ (Lord I hear of showers) 1. Ndi na ũngĩ nyie ta Yesũ,  ĩtunĩ kana kũũ nthĩ,  Ũla ũnzũvĩaa nesa,  Na kũndongoesya.  Nowe vyũ, nowe vyũ,  Nyie nĩnĩmwendaa Yesũ 2. Na ĩngĩ ndikwona vangĩ Wovosyo ũla waw’o; Nakwa nyie nĩnĩlũmĩtye Wovosyo ũsu wakwa.  3. Ndina vata na nthĩ ĩno,  Syĩndũ syayo n'thela; Yĩ ũkengani mũnene: Ndĩmyendaa, ona ĩndĩĩ.  4. Nthakame ya Yesũ yoka Nĩyo ĩtũthambasya: Nĩngũĩkĩĩa na ngoo yonthe.  Na akandonyethasya.  (Amen)

257. NĨNGŨĨKĨĨA YESŨ

   NĨNGŨĨKĨĨA YESŨ (My faith looks up thee) 1. Nĩngũĩkĩĩa Yesũ,  Nake nĩ mũseo ,  Mwana wa Ngai; Athesye ngoo yakwa,  Avete naĩ syonthe,  Nĩ twike wake vyũ,  Myũnthĩ yonthe.  2. Anthusye na mumo,  Ambongele vinya,  Wa kũmwendaa; Angw'ĩĩe mũtĩnĩ; Yu ndikasilĩlwa,  Na nĩngũmũkatha Mũmbovosya.  3. Yĩla nĩ kũkũ nthĩ Nditĩa kũthĩna ,  Na kũnyamaa; Ĩthĩwa mũĩthi Wa kũndongoeasya; Ĩĩ, ndongoesya,  Mũĩthi wakwa.  4. Na thayũ ũũ wakwa,  Wathela kũkũ nthĩ,  Mwĩaĩi wakwa ,  Nenga kũmanya vyũ,  Nĩ na thayũ ũngĩ,  Ũla wumaa kwa Ngai,  Ũtathela.  (Amen)

258. NĨ MOKONĨ MA YESŨ

 NĨ MOKONĨ MA YESŨ (Safe in the arms of Jesus) 1. Nĩ mokonĩ ma Yesũ, nyie ndĩkĩa nongi,  Nĩnzũvĩawa nĩwe thayũ wakwa wonthe,  Nĩwatũmie andũ amaetee ũvoo ũũ Wa kũndanĩthasya nyie, nĩ kyalonĩ kyakwa.  Twĩ mokonĩ ma Yesũ,  Thayũ witũ w'onthe Nũtũsũvĩaa mũno; Tũtikakĩe ũndũ.  2. Twĩ mokonĩ ma Yesũ, tũtiĩ na nzĩka yu,  Twĩ kũkũ nthĩ, matatwa matĩkatũtonya.  Tũkĩmwĩkwatya Klĩsto, tũtiĩ na mĩisyo; Mathĩna nĩ Manini, na makathela vyũ.  3. Yesũ, Mwovosya wakwa, ang'wĩĩe mũtĩnĩ,  Nĩwe ĩvia yĩla nĩkwatĩtye yuyu.  Nĩngũmweteela Yesũ, mũsumbĩ mũnene,  Thayũnĩ wakwa w’onthe, mũvaka ngamwona.  (Amen)  

259. YU NĨ WA YESŨ

   YU NĨ WA YESŨ (Blessed assurance) 1. Yu nĩ wa Yesũ, we e weka,  Nake nĩ wakwa, mũnyanya wakwa,  Yu ndi na nzika ngoonĩ yakwa,  Na yu twĩ ũmwe, Yesũ nakwa.  Nyie ndyĩsĩ ũndũ, ate atĩĩ,  Kũkatha Yesũ myũnthĩ yonthe; Nyie ndyĩsĩ ũngĩ, ate ũmwe,  Kũkatha Yesũ myũnthĩ yonthe.  2. Ngai andangĩĩe e we mwene,  Na ambonisye Mwovosya wakwa; Yũ nĩmbĩtĩte wanangĩko,  Nũndũ wa Yesũ mũvonokya.  3. Veva mũtheu, nthĩnĩ wa ngoo Nũtũnengete ĩnee na ũnyiau.  Yu ndisonoka kũtavan’ya,  Nyie ngekalaa nĩ ngũsĩ yake.  4. Nĩtw’ĩwanĩte, nĩ na Yesũ Nĩmwendeeasye mavinda onthe,  Eth’wa nũkwenda ngathũkũme Kũla mataamba kũĩkĩĩa (Amen)